Filloas con crema de castañas e chocolate

Ingredientes para as filloas

• 250 g de fariña de trigo
• 500 ml de leite
• 2 ovos
• 30 g de manteiga clarificada AIRA
• 1 cullerada de azucre
• Un pouco sal
• Manteiga clarificada AIRA para engraxar a tixola

Ingredientes para a crema de castañas e chocolate

• 250 g de crema de castañas
• 100 g de chocolate negro
• 50 ml de nata
• 15 g de manteiga clarificada AIRA

Para decorar

• Castañas cocidas ou asadas
• Chocolate negro relado

Paso a paso

1. Prepara a masa

Nun recipiente, bate os ovos xunto co leite. Engade a fariña pouco a pouco, mesturando ata conseguir unha masa líquida e sen gromos.

Incorpora o azucre, un chisco de sal e a manteiga clarificada AIRA previamente derretida. Mestura ata integrar todos os ingredientes.

Deixa repousar a masa durante uns 20-30 minutos.

2. Prepara a crema de castañas e chocolate

Pica o chocolate e colócao nun recipiente.

Quenta a nata sen que chegue a ferver e vértea sobre o chocolate. Deixa repousar uns minutos e mestura ata conseguir unha crema homoxénea.

Engade a crema de castañas e a manteiga clarificada AIRA. Mestura ben ata obter unha crema suave e uniforme.

3. Cociña as filloas

Quenta unha tixola antiadherente a lume medio e engráxaa lixeiramente con manteiga clarificada AIRA.

Verte unha pequena cantidade de masa e move a tixola para repartila formando unha capa fina.

Cociña durante aproximadamente 1 minuto, ata que os bordos comecen a despegarse. Dálle a volta e cociña uns segundos máis.

Repite o proceso ata rematar a masa, engraxando lixeiramente a tixola cando sexa necesario.

4. Enche as filloas

Estende unha capa de crema de castañas e chocolate sobre cada filloa e dóbraa en forma de triángulo ou enrólaa.

5. Decora e serve

Serve as filloas quentes ou mornas e remata cun pouco de chocolate negro relado e anacos de castaña.

Un doce perfecto para gozar dos sabores do outono!