Bica manteigada

Ingredientes para o fermento

• 250 g de fariña de forza
• 150 ml de auga
• 2 g de fermento fresco de panadaría
• Un pouco sal

Ingredientes para a masa final

• 200 g de manteiga clarificada AIRA
• 400 g de azucre
• 250 g de fermento previo
• 6 ovos
• Raiadura dun limón
• 250 g de fariña de trigo normal
• 50 g de azucre + 1 pouco de canela para esparexer

Paso a paso

1. Mesturamos todos os ingredientes do fermento, formando unha bola e deixando repousar con papel film.
2. Prequentamos o forno a 180°. Montamos co batedor a manteiga mesturada co azucre
3. Agregamos en anacos pequenos o fermento e, axudándonos dos ganchos da batidora para que non queden bolos, engadimos os ovos dun en un.
4. Posteriormente, botamos a raiadura do limón e a fariña. Removemos ata ter unha masa homoxénea
5. Enchemos o molde forrado con papel de forno e esparexemos o azucre e a canela. Metemos no forno durante 45-50’ e deixamos arrefriar